Ці існуе ў Беларусі афіцыйнае паняцце "школьная форма"?
Паняцця "школьная форма" (у значэнні "аднолькавая для ўсіх навучэнцаў") няма. Ва ўстановах агульнай сярэдняй адукацыі ўведзены дзелавы стыль адзення - строгі вытрыманы стыль, прызначаны для наведвання вучнямі навучальных заняткаў ва ўстановах агульнай сярэдняй адукацыі. Увядзенне дзелавога стылю адзення прадугледжвае выхаванне пачуцця этыкету ў падрастаючага пакалення, уменне ранжыраваць адзенне на розныя стылі і разумець значэнне па яго прымяненні.
Да камплекта школьнага адзення прад'яўлены пэўныя патрабаванні. Ён павінен быць шматфункцыянальным, гігіенічным, зручным і адпавядаць сучасным кірункам моды. Навучэнцы, іх законныя прадстаўнікі сумесна з адміністрацыяй установы адукацыі і педагагічнымі работнікамі маюць права выбару мадэлі, колеру і якасці тканін, з якіх выраблена адзенне дзелавога стылю.
Ці мае права кіраўнік установы адукацыі прыцягваць для фінансавання ўстановы адукацыі сродкі бацькоў?
У адпаведнасці з Палажэннем аб апякунскай радзе ўстановы адукацыі фінансаванне ўстаноў агульнай сярэдняй адукацыі можа ажыццяўляцца з розных крыніц, не забароненых заканадаўствам. Для вырашэння актуальных задач устаноў агульнай сярэдняй адукацыі кіраўнік ва ўзаемадзеянні з апякунскай радай мае права прыцягваць дадатковыя крыніцы фінансавання, у тым ліку спонсарскую дапамогу і сродкі бацькоў. Бацькоўская дапамога можа аказвацца толькі на добраахвотнай аснове. Пералічэнне сродкаў ажыццяўляецца па квітанцыі на разліковы рахунак установы адукацыі.